PayPal kya hai aur kaise kam karta hai

 PayPal kya hai aur kaise kam karta hai

Ye to sabhi log jante hain ki hamari duniya puri tarah se computer aur Internet se ghiri hui hai. hamare parsanal saman se lekar ghar ke har ek jaruri chijon tak aaj kal ham online hi mangvate hain aur hamen ghar baithe baithe aaram se ye sari chije computer aur internet ke sahayta se mil jati hai. ye saari suvidhayen sirph aur sirph internet ki vajah se hi mumakin hai. Internet ke vajah se hamara sara kam chutakiyon men pura ho ja raha hai. yahan tak ki paise ka len den bhi aaj ke vakt men internet ke jariye hi kiya ja raha hai. Internet men bahut sare online payment karne ki suvidhayen maujud hai. aur unme se ek hai PayPal. to aaj ham janenge ke PayPal kya hai.
PayPal un sabhi online payment services se bada aur behatar hai. Online payment service vo hai jiske vajah se koi online khariddar apna saman kharidne ke bad uski kimat ka vetan surakshit rup se apne credit card ya bank account ke jariye karta hai. PayPal service ka kam bhi kuchh aisa hi hai balki usse bhi kayi jyada hai. kaise? aaj is lekh men mai aapko isi ke vishay men jankari dunga ki PayPal kya hai aur ye kaise kam karta hai.
PayPal ek American Company hai jo vishv ka sabse masahur online payment service hai, jo ek sadharan vyakti ya phir ek vyapari ko electronic tarike se funds ko transfer aur receive karne ki anumati deta hai. PayPal ke jariye koi bhi vyapari aasan aur surakshit tarike se apne paise ko pure vishv men kahin bhi transfer kar sakta hai. PayPal sal 1998 men sthapit hua aur kuchh salon ke bad use eBay company ne kharid liya.
Jab koi bhi vyakti online business karna shuru karta hai to use ek jariya chahia hota hai jisse ki vo apne payment ko bhej ya pa sake. aam taur par jab hame payment karna hota hai tab ham apne Credit card ya Debit card ki madad se online payment kar dete hain par agar hame payment chahiye ho to hame payment services ki sahayta leni pdti hai jaise PayPal ya Google wallet.
PayPal sabase purana aur sabse adhik bharosemand online payment service hai. PayPal service hamen internet ki jariye se national aur international paise transaction kar pane ki suvidha deta hai. PayPal men aaj duniya ke 190 deshon men 100 million member accounts hain. Isase yahi pata chalta hai ki PayPal ke istemal se aaj desh bhar men log bharose ke sath apna money transaction asani se kar rahe hai.
PayPal se paise transfer karne ke liye koi khas takaniki ya license ki jarurat nahin hoti, sabase jaruri hota hai usme apna account banana, ek valid e-mail Id aur bank account hona. asal men PayPal e-mail addresses ke jariye hi kam karta hai. kaise? chalia aage eske bare men jante hain. Isase pahale chaliye iske prkar ke vishay men jante hain.
Paypal account ke prkar (types)
Dekha jaye to Paypal ke mukhy rup se tin prkar ke accounts hote hain jinke bare men ham age janenge.
Personal accounts
Chunki iska naam hi personal hai isaliye isase ye pata karna bahut hi asan hai ki in accounts ka istmal personal use ke liye kiya jata hai.is accounts men aap karib karib panch (5) credit ya debit card funded payments pratyek varsh kar sakte hain aur iske liye aapko sabhi transaction men ek transaction fee bhi dena hota hai.
Premier accounts
Is prkar ke account un members ke liye upayukt hai jo ki high transaction volume vale transaction karte hain ya jinhen Paypal’s ke Core aur Premium features ko access karna pasand hai. ye Premier accounts keval ek hi individual name tak hi simit hai, yani ki ise aap business purpose ke liye istmal nahin kar sakte hain. Personal Accounts ki tulna men yahan par aap unlimited matra men credit ya debit card payments ki transactions kar sakte hain. lekin sabhi payments jo aap receive karte hain unke upar fee lagta hai.
Business accounts
In accounts ko khas tor se businesses ke liye hi taiyar kiya gaya hai. jise aap kisi businesses men ek company ya group name ke naam se operate kar sakte hain payment transaction ke liye. Premier accounts, ki tarah hi ismen bhi aap unlimited number ki credit aur debit card payments kar sakte hain lekin keval payments receive karne par aapko charge lagega.
Important Documents Paypal Account ke liye
Agar aap apana ek Paypal Account kholna chahte hain tab apako in tin chijon ka jarur istmal karna padega.
• Bank Account ( paise pane ke liye )
• PAN Card ( certification ke liye )
• Debit yaa Credit Card ( paise bhejne ke liye )
Paypal Account kaise banayen
1. Paypal Website open karen aur Signup par click karen.
2. Uske bad aapko Account type (individual ya business) chunna hota hai.
3. Iske pashchat aapko desh ka naam, email id aur password bharna hota hai.
4. Uske bad aapko jo kuchh bhi puchha jayega aapko sahi sahi bharna hota hai aur aage bdhne ke liue Agree and Continue par click karna hota hai.
5. yadi aap uske bad transaction karna chahte hain tab apna credit card ya debit card details bhar sakte hain varna i will link it later par click kar sakte hain.
6. Itna kam karte hi aapko paypal account banakar taiyar ho jayega jise aap koi bhi transaction karne ke liye istmal kar sakte hain.
PayPal kaise kam karta hai?
Hamen PayPal men e-mail address ke istemal se apna user ID banaana padta hai. kyunki hamare e-mail address ke jariye hi hamen online transaction men pahchana jayega. registration ho jane ke bad hamen apne user profile men apna bank ya credit card ka details dena pdata hai. Credit card ka diya gaya details sahi hai ya nahin uski janch ke liye PayPal ek ya do, kam paise ka amount transfer karta hai jaise $1.06 aur $ 1.30.
Apne baink account men yahi paise mil jane ke bad hamen apne PayPal profile men vapas ja kar utni hi rakam ke ankade ko vahan diye gaye boks men dalna hota hai. dale huye ankade jab sahi hote to hamara bank account puri tarah se verified mana jata hai. verify ho jane ke bad hamara PayPal men account taiyar ho jata hai jiske jariye ham apne paise kahin bhi online send aur receive kar sakte hain.
Jab PayPal men ham apna account khol lete hain uske turant bad ham asani se apna payment kar sakte hain. ham payment sirph unhi ko kar sakte hain jinka PayPal men account ho. jis vyakti ko hamen payment karna ho bas usse PayPal kaa e-mail address mang kar apne PayPal account se dhanrashi ko usi e-mail address par bhej sakte hain. PayPal diye gaye dhanrashi ko hamare baink account se nikal kar bhej deta hai.PayPal apake account se dusre PayPal account men paise transfer karne ke liye apna commission kat kar bhejta hai. Isaliye aapko aapke payment amount ke sath PayPal ka commission bhi jod kar paise transfer karna hoga.
Ye to hui PayPal account ke jariye paise bhejne ki bat chalia aage jante hain ki PayPal se hamen dusre vyakti se payment kaise milega.
Jab hamen kisi vyakti se payment lena ho to ye maine nahin rakhta ki vo vyakti aap hi ke seher men hai ya aapke seher se bahar,hame bas use apna PayPal men register kiya hua e-mail address us vyakti ko dena hoga. uske bad apako payment karna vala vyakti aapke PayPal account men paise transfer kar dega. paise transfer ho jane ke bad aapke pas ek e-mail ayega ki aapke account men etne paise transfer ho gaye hain, aur aapke payer ka naam bhi us mail men shamil hoga jisne aapko paise bheje hain.
Uske bad ye aapko tay karna hoga ki aap apne paise PayPal account men hi rakhna chahte hain yaa phir use apne baink account men transfer karna. lekin aapke paise aapke baink men transfer hone se pahle PayPal apna commission kat kar aapke paise baink men jama karta hai. lekin kuchh deshon men jaise India men PayPal user ko ye ijajat nahin ki vo apne paise PayPal account men rakh sake isaliye unke paise apne aap se unke registered baink account men transfer ho jate hain, jald hi jab unko payment bheja gaya hota hai.
Paypal ke Advantages kya hain?
Vaise Paypal ke to kayi advantages hain lekin kyon ko inke vishay men jankari tak nahin hai. to chalia jante hain inhi Paypal ke advantages ke vishay men.
• Paypal unauthorized payments ke khilaph 100% protection prdan karta hai.
• aap ghar baithe hi apne paypal account se kayi online website se shopping kar sakte hain. aur aapko kahin bahar jane ki bhi jarurat nahin aur lambi kataron men khde hone ki bhi jarurat nahin hoti hai.
• aap kisi dusre desh ko bhi paise bhej sakte hain vo bhi bahut hi kam charges ke sath aur bilakul surakshit dhang se.
• yadi aapko lage ki koi seller aapko thag raha hai tab aap uske against men case file bhi kar sakte hain. Is kam men aapki madad paypal karega.
• kisi transaction men agar koi takliph ho tab aap Paypal support ki madad le sakte hain.
• Paypal aapko bich bich men achchhe achchhe offer prdan karta hai aur kayi bar coupons bhi deta hai shopping karne ke liye.
Paypal ke Disadvantages kya hain?
Advantages ki tulna men Paypal ke bahut hi kam disadvantages hain. to chalia esi ke vishay men jante hain.
• Paypal kabhi bhi aapke account ko freeze kar sakta hai agar unhen aapke account men koi fraud activities ya policy violation ka sak hua tab.
• chunki paypal ek private company hai jinapar koi bhi fedral banking ke rules lagu nahin hote hain isalia unhen aapke account ko freeze karne ke liye aapke permission ya approval ki koi jarurat nahin hai.
• yadi aapke account ko freeze kar diya gaya hai tab aapke account men stith funds ko aap nikal nahin sakte hain. eske liye aapko paypal ka wait karna hoga.
Online se paise transfer karne ka PayPal sabse tej, asan aur surakshit tarika hai isalia ye hajaron online paise kama rahe vyapariyon ka chahita ban gaya hai.
Asha karta hun ki is lekh se aapko PayPal se judi kuchh jankariyan hasil hui hongi (PayPal kya hai aur kaise kam karta hai), agar aapko PayPal ke bare men isse adhik jankaari malum ho ya phir kuchh saval puchhana ho to bejhijhak niche comment karna na bhulen, mujhe bahut khushi hogi. mere post ke prati apni prasannta aur uttsuktaa ko darshane ke liye kriapya is post ko Social Networks jaise ki Facebook, Google+ aur Twitter ityadi par share kijiye.

No comments:

Powered by Blogger.